Crush ng Bayan, ' di na nakapagpigil

Crush ng Bayan, ' di na nakapagpigil ...
Ikinanta ni Mariel: Angel Pinasok ni Sam sa Kuwarto
Hindi na talaga lucky... Mga Chicks ni Luis Nasusulot ni Sam

Len Llanes
Iskup
Bulgar
15 Oktubre 2007

Ibinuking ni Mariel Rodriguez sa Entertainment Live na ang original crush ni Sam Milby ay itong si Angel Locsin.

Remember that time na nag-e-emcee pa si Mariel nu'ng nasa Bahay ni Kuya pa si Sam? 'Di ba, kilig na kilig din ito sa paghanga sa Amboy? "yun nga lang, paglabas ng bahay, ang napagtuunan nito ng pansin ay ang kasama niyang host na si Toni Gonzaga.

Kasom 'di naman nauwi sa katotohanan sina Sam at Toni. At ngayon naman, balitang wala na sina Anne Curtis at Sam. 'Di kaya bumabalik ang pagtingin nito sa bagong lipat sa Dos na si Angel?

Ini-reveal kasi ng madaldal na si Mariel na nu'ng nalaman ni Sam na co-host nila si Angel one time, nag effort itong puntanhan ang crush niya sa dressing room at binigyan ito ng Chi Tea. Dagdag pa nito, "pati kami, nadamay nabigyan din kami ng same drink."

Ano kaya ang reaction ni Luis Manzano rito? Naipakilala na pala nito si Angel sa kanyang mommy, ang Start for All Seasons na si Vilma Santos. 'Di kaya ma trauma si Luis dahil nu'ng una, 'di na siya nakalusot kay Toni with Sam hanging around, tapos kay Anne Curtis, at ngayon heto na naman ang dalawa na allegedly ay parehong may tama rin kay Angel?

Pero 'di kaya siya maunsiyami sa pagpasok ni Piolo Pascual sa buhay ng kanilang object of affection?

Magtatambal sina PJ at Angel sa isang serye at isang movie at puro mabubuting salita ang namutawi sa labi ni Angel tungkol kay Piolo.

"Talagang nu'ng una pa man, gusto ko na siyang makapareha. Nu'ng nate-taping na kami, medyo nag-alangan pa ako. Nakaharap ko na siya at last, mabait pala sat masarap kasama. "